Ве известуваме дека во среда (06.05), и четврток (07.05), поради изведување на градежни активности, целосно ќе биде затворена за сообраќај делницата на бул. „Митрополит Теодосиј Гологанов“ и тоа од вкрстосување со ул. „Јуриј Гагарин“ до вкрстосување со ул.„Московска“.

 Автобусите кои ја опслужуваат автобуската линија со бр. „4А“, во правец од Центар кон Тафталиџе 2, ќе бидат пренасочени по бул.„8-ми Септември“, бул.„Партизански одреди“ и ул.„Московска“. Во правец од Тафталиџе 2 кон Центар ќе се движат по истата траса но по обратна насока.

Автобусите од градските линии: „5“ и „5А“, во правец од Центар кон Ѓорче Петров ќе бидат пренасочени преку бул.„8-ми Септември“ бул. „„Партизански Одреди“, ул.„Московска“ и продолжуваат по својата траса, а во обратна насока ќе се движат по истата траса и при тоа ќе ги користат постоечките автобуски стојалишта.