ОД ВЕЧЕРВА ПОВТОРНО СЕ ВО ФУНКЦИЈА НОЌНИТЕ ЛИНИИ

Почитувани корисници на јавниот превоз,

Ве информираме дека од денеска, вторник (28.12.2021 год) почнуваат да функционираат ноќните линии и тоа: 2, 5, 7, 22, 24, 41, 50, 57 и 65В.  

Воведувањето на ноќни линии е почеток на промените за подобар јавен градски превоз што е дел од програмата на раководството на ЈСП и на градот Скопје. На овој начин за скопјани се обезбедува јавен превоз и за време на ноќните часови, што беше укинато како опција од минатото раководството на градот пред две години.   

Автобуските линии 2, 22, 24, 41, 57 и 65В, ќе сообраќаат секој ден, а останатите ќе бидат во функција во деновите од викендот или комбинирано, како и за време на празниците.

Прегледот на возниот ред и трасите на линиите е достапен на веб страницата, во делот ВОЗЕН РЕД/НОЌНИ ЛИНИИ.