АВТОБУСИТЕ ВО ПОНЕДЕЛНИК (9.09.2019 год) ЌЕ ВОЗАТ ПО НЕДЕЛЕН ВОЗЕН РЕД, ЖИЧНИЦАТА ЌЕ РАБОТИ, ДЕЖУРНИ ЌЕ БИДАТ ТРИ БИЛЕТАРНИЦИ
Жичницата на Водно ќе работи со вообичаено работно време, а по неделен возен ред ќе сообраќаат и автобусите на линија 25 (Транспортен центар-Средно Водно), 25А (Стара железничка станица-Средно Водно) и 25Б (Дом на печат-Средно Водно). Превозот на посочените линии за сите патници ќе биде бесплатен согласно одлуката на Советот на Град Скопје за бесплатен превоз во недела на посочените линии за сите категории на патници.
Дежурни ќе бидат три билетарници, односно од 7 до 19.30 часот ќе работат билетарницитре на Транспортен центар и на Зелен пазар, а од 7 до 13 часот ќе работи билетарницата во Ѓорче Петров.