АВТОБУСИТЕ НА 1 МАЈ ЌЕ ВОЗАТ ПО НЕДЕЛЕН ВОЗЕН РЕД, ЖИЧАРНИЦАТА ЌЕ РАБОТИ ДО 20 часот

Почитувани корисници на јавниот превоз,
Ве информираме дека поради Меѓународниот ден на трудот – 1 Мај, во понеделник (1.05.2023 год), јавниот превоз ќе сообраќа по неделен возен ред, а билетарниците и центрите за персонализација нема да работат.

Жичарницата во понеделник (01.05.2023 год) ќе работи од 10 до 20 часот, исто и во вторник.

Ве потсетуваме дека од месец мај, Жичарницата работи два часа повеќе од изминатиов период, односно од 10 до 20 часот, согласно одлуката за работно време на Жичарницата за период мај - септември.

Во период од 19 - 19.30 часот е последното возење од доле нагоре, а во 19.45 часот е последното возење од горе надоле.